MOITÍSIMAS GRAZAS POR TODO

Ola aos meus ananos e as súas familias!

Foi un verdadeiro pracer compartir este curso emocións, pensamentos, preocupacións,... e un longo etcétera. Estiven moi a gusto na "Clase azul" e sei que sempre me lembrarei de cada un de vós.

Para min comeza unha nova etapa chea de ilusión noutro cole e sei que os meus ananos seguirán avanzando no seu camiño, pasiño a pasiño, coa axuda deses papis e mamis tan marabillosos que teñen.

Grazas polos agasallos de fin de curso.

Un bicazo a todos.  💗💙😍😚

"RESTAURANTE AZUL"

Como produto final do noso proxecto "Los restaurantes" decidimos invitar as nosas familias a un "Menú degustación" no comedor do cole o xoves día 15 ás 12:15h.

Todo o que fomos aprendendo este trimestre na aula puxémolo en práctica preparándolles un menú especial aos nosos papis, primeiro como cociñeiros e posteriormente servindo como camareros.

Pasamos unha mañá moi axetreada para que todo estivera a punto e quedamos moi satisfeitos vendo as caras de todos os papis.

ESPERAMOS QUE VOS GUSTARA!! NOS PASÁMOLO XENIAL!!

MOITÍIIIISIMAS GRAZAS A TODAS AS FAMILIAS POLA SÚA COLABORACIÓN!!

TAMÉN Á PROFE ANA RUTH, TINA E NEREA UN AGRADECEMENTO ESPECIAL!

HENRI MATISSE

Despois da investigación de distintas froitas, dentro do proxecto "Los restaurantes", decidimos facer unha degustación na aula de catro froitas tropicais: Papaya, chirimoya, mango e piña.
Observamos como eran por fóra e por dentro, de que cor son, se teñen pepitas ou non, cantas pepitas teñen, se as pepitas son grandes ou pequenas,.....
Logo debuxamos nun soporte do proxecto a que máis nos gustou.:

• A sete alumnos/as gustounos máis a "Piña"
• A catro alumnos/as gustounos máis o "Mango"
• A tres alumnos/as gustounos máis a "Chirimoya"
• A tres alumnos/as gustounos máis a "Papaya".
  

PROXECTO "PASIÑO A PASIÑO, FAGO O CAMIÑO"

Na clase azul rematamos o proxecto "Pasiño a pasiño, fago o camiño" que fomos desenvolvendo ao longo de todo o curso.
O produto final non ten desperdicio. Aprendemos un montón coa investigación do camiño pero sobre todo do noso entorno máis próximo e tan fermoso como é o de Tui.

FAI CLIK NA IMAXE

AS LETRAS GALEGAS E CARLOS CASARES

Esta semana non foi lectivo o mércores. A razón é que celebramos o "Día das letras galegas".
Este ano adícabaselle a "Carlos Casares" que escribíu moitos contos para nenos.
Foi una ledicia investigar a súa vida e sobre todo a súa obra. Na clase azul gustounos moito o conto de "Lolo anda en bicicleta", aínda que o da "Galiña azul" tamén nos deixou un pouco sorprendidos.
A profe Nerea, coordinadora do equipo de normalización da lingua galega do cole, agasallounos cuns "álbums de pegatinas" que durante toda a semana fomos pegando a medida que coñeciamos ao autor.

CARLOS CASARES (PINCHA NA IMAXE)

O PATIO DOS NOSOS SOÑOS

Despois de observar, analizar e elaborar a maqueta do noso patio, poñémonos mans a obra.
Á clase azul tocoulle realizar as balanzas para poder xogar e experimentar con pesos e volumes.

Así nos quedou!!!

"ARTISTEAMOS CON ARCIMBOLDO"

Seguindo co proxecto dos restaurantes, desta vez quixemos facer como o artista "Giuseppe Arcimboldo", facendo caras con distintos recortes de alimentos. A verdade é que todas son do máis orixinais. Aquí vos queda unha mostra.

Visita de "Isabel", encargada do comedor

Hoxe venres, Isabel, encargada do comedor do cole, sentouse conosco na asamblea para explicarnos a "Pirámide dos alimentos" e como se elabora un menú saudable.
Para elo, trouxo a "verdurín", unha caixa moi coñecida no comedor. Dentro vimos un montón de imaxes de distintos alimentos. 
Na presentación, a través do ordenador, observamos e analizamos a pirámide e xogamos a colocar os distintos alimentos nela coa axuda dos "Bolechas". Visualizamos un capítulo de "Pepa Pig" que fala sobre a comida e Isabel ensinounos a poñer a mesa.
 Asemade, cada neno elaborou o seu menú escollendo pratos de plástico de cores con alimentos dibuxados da pirámide, tendo en conta un 1º prato, 2º prato e postre saudables.

 

MOTÍIIISIMAS GRAZAS ISABEL. APRENDEMOS UN MONTÓN.

SAÍDA AO RESTAURANTE "LA PIZARRA DEL SILABARIO"

Onte xoves todo o alumnado de infantil fomos de visita ao restaurante "La pizarra del silabario".

Alí, tanto o cociñeiro Alberto como a camareira "Goretti", moi amablemente, ensináronnos as distintas instalacións. 

Por un lado, Alberto amosounos a cociña con todo o mobiliario super, super grande: neveira, fregadeiro, lavavaixelas, forno,....; o economato, onde gardan toda a mercancía; o montacargas para subir e baixar os alimentos ao comedor e un montón de cousas máis.

Por outro lado, Goretti amosounos como é o comedor, como se pon a mesa, a carta dos menús, como fan as comandas os camareiros e un longo etcétera que trataremos de lembrar  na aula.

Logo deixáronnos un dos salóns para poder merendar e volta ao cole.

Aprendemos moito e recollemos moita información sobre os restaurantes.

PLANTACIÓN EXTERIOR XUNTO CON 4º E. PRIMARIA

PLANTACIÓN INTERIOR DE PRIMAVERA

AMORES DE PRIMAVERA

FELICES VACACIÓNS DE SEMANA SANTA, PEQUES!!

TIRA-FRASE "LOS RESTAURANTES"

Estampación dos mandiles de cociñeiros

Hoxe decoramos os nosos mandiles de cociñeir@s. Para elo utilizamos diferentes alimentos : quesitos, cenoria, laranxa, fresa, mazá, tostadas, tomate, pemento, plátano,....

QUEDARON FANTÁSTICOS!

Visita de "Xosé Tomás" ILUSTRADOR

Xosé explicounos que el realiza os debuxos de moitos contos e ensinounos algunhas técnicas para debuxar caras. Pasamos unha sesión moi creativa.

MOITAS GRAZAS XOSÉ!!!

Andaina poética

Hoxe venres realizamos a andaina poética que se aplazara por motivos climatolóxicos, en conmemoración do día da poesía no mes de marzo.
Todo o cole saímos a recitar, facendo paradas en zonas emblemáticas de Tui.
Fixo un día expléndido. Os ananos de Cris recitamos "Adiós ríos, adiós fontes" de Rosalia de Castro. Previamente xa traballaramos dita poesía a través de pictogramas.

PATRULLA DE LIMPEZA

Esta semana tocounos á "Clase azul" facer a limpeza do patio. A verdade é que aínda tivemos traballo pero quedou super limpo. Somos un gran equipo!!!

Exposicion de instrumentos do camiño

MESTURANDO AS CORES

CONVERTÍMONOS EN MAGOS POR UN INTRE. PINTAMOS A NOSAS MANS DE DISTINTAS CORES E AO XUNTALAS, CAMBIAN DE COR!!!

ARTISTAZOS!!

 SEGUIMOS DEIXÁNDONOS LEVAR POLA NOSA CREATIVIDADE CADA DÍA!!!

MAQUETA DO "PATIO DOS NOSOS SOÑOS"

O alumnado da clase azul xa ten preparada e exposta a maqueta do patio que "soñamos" para o noso cole. Aquí vos deixamos unha mostra da elaboración e a maqueta rematada. Somos uns artistas!!

MOTÍSIMAS GRAZAS AOS PAPIS POLAS FANTÁSTICAS IDEAS APORTADAS!!

 

OS PAUS DE CHOIVA

XOGAMOS E PRACTICAMOS CO BI BOT

DÍA DE ROSALÍA DE CASTRO

Hoxe ademais do entroido, estamos de festividade!!!

A nosa gran poetisa galega, "Rosalía", quixo estar conosco ao longo da semana. Decorámoslle o seu vestido co seu nome, aprendemos un anaquiño dun dos seus poemas máis coñecidos "Adiós ríos, adíos fontes" e plasmámolo en debuxo.

 

"GRAZAS ROSALÍA POLO TEU IMPORTANTE LEGADO"

O ENTROIDO

Por fin chegou o día da "Festa do Entroido". Xa tiñamos ganas de traer os nosos disfraces. Había un pouco de todo, pero todos guapíiiisimos, coma sempre. Felices vacacións de entroido!!!

entroido 2017 - Kizoa Editar Videos - Movie Maker

ACHÉGASE O ENTROIDO!!

O noso "MECO" Pilindrón xa está preparado coas súas ordes! Cada día da semana iranos dicindo que temos que traer para o día seguinte ata que o venres que ven, festexemos o entroido co noso disfraz libre.
Aquí vos irei deixando as súas peticións

LUNS

 

MARTES

MÉRCORES

XOVES

E ASÍ FOI COMO OBEDECEMOS AO MECO

QUE RICA ESTÁ A FROITA!!!

 

DÍA INTERNACIONAL DO CANCRO INFANTIL

HORA DE LER "A RATIÑA PRESUMIDA"

A profe Ana Ruth, que nos le contos na hora de ler tres días á semana, está preparando con nós unha dramatización do conto da "Ratiña presumida". Para a semana que ven, iremos polas outras aulas de infantil para mostrarlles o ben que o facemos!!. 

Grazas profe Ana Ruth💋💋💋

"O NOSO PATIO"

Este trimestre estamos a observar e analizar como é o noso patio para logo facer propostas de mellora. Fanky, a nosa mascota chegounos con tres misións (sabe que nos encantan!!):

 

E claro, puxémonos rapidamente mans á obra e xa temos o noso plano do patio nun mural espectacular. Agora intentaremos realizalo individualmente.

"SOMOS ARTISTAS"

Estamos feitos uns artistas!
Todos os días o/a encargado/a, realiza ao longo da xornada a súa propia obra de arte con témperas no caballete preparado para tal fin.

BONECOS DE NEVE